Канадскиот актер Кифер Сатерленд бил уапсен од страна на Полициската управа на Лос Анџелес (LAPD) по инцидент што се случил веднаш по полноќ во понеделник во Холивуд. Според соопштението на полицијата, актерот влегол во возило и наводно физички го нападнал возачот, при што упатил и кривични закани.
Настанот се случил на аголот од Сансет Булевар и Ферфакс Авенју. Од LAPD информираат дека возачот не бил повреден во инцидентот.
Сатерленд подоцна бил ослободен откако платил кауција во износ од 50.000 долари, а неговото појавување пред суд е закажано за 2 февруари, пренесува ITV.
