Вашингтон активираше најмоќни стратешки бомбардери со технологија „стелт“ и најави дополнително воено засилување на Блискиот Исток, во рамки на операцијата „Епски бес“.
Централната команда на САД објави снимки од полетувањето на бомбардерите Б-2А Спирит од воздухопловна база во Мисури, кои се способни да пробијат силни системи на противвоздушна одбрана. Овие авиони можат да носат до 80 конвенционални бомби Мк-82 JDAM со ГПС наведување или до 16 нуклеарни бомби Б-83.
„Стелт бомбардерите Б-2 полетуваат за да ја елиминираат заканата од иранскиот режим денес и да ја спречат неговата обнова во иднина“, соопшти Командата на САД.
Покрај тоа, според извори на Ен-Би-Си Њуз, Вашингтон планира да испрати дополнителни 5.000 војници на Блискиот Исток, вклучувајќи 2.500 маринци и 2.500 морнари од амфибиската борбена група „Триполи“, која неодамна оперираше во Филипинското Море.
Целта на овие активности е засилување на военото присуство и обезбедување на стратегиска предност во регионот.
B-2 stealth bombers takeoff to conduct a mission during Operation Epic Fury, delivering long-range fire to not only eliminate the threat from the Iranian regime today, but also eliminate their ability to rebuild in the future. pic.twitter.com/ebyUYNnOLo
— U.S. Central Command (@CENTCOM) March 13, 2026
…
