Поради планирани технички зафати на електродистрибутивната мрежа, утре (17 март) делови од Тетово и тетовскиот регион ќе останат без електрична енергија во одредени временски периоди.
Според најавите, од 09:00 до 12:00 часот без струја ќе бидат објекти во дел од градот од Текето кон Мала Речица, како и делови од населбата Мала Речица, поточно објектите во близина на сточниот пазар.
Исто така, од 09:00 до 14:00 часот прекин на снабдувањето со електрична енергија е најавен за дел од улицата „Штипска“, како и дел од улицата „Илинденска“ кај ТЦ Сага во Тетово.
Без струја во истиот период, од 09:00 до 14:00 часот, ќе бидат и дел од објектите на влезот на селото Брвеница, од страната на градот.
Од надлежните апелираат граѓаните навреме да ги прилагодат своите активности за време на планираните прекини. Доколку временските услови или техничките околности се променат, можно е изменување на најавениот термин.
…
