Едно лице загина, а неколкумина се повредени во тешка сообраќајна несреќа што денеска се случила на регионалниот пат Кочани – Виница.
Според информациите од полицијата, несреќата била пријавена во 13.44 часот во СВР Штип. До судирот дошло во близина на угостителски објект, при што се судриле патничко возило „Мазда“ и патничко возило „Поло“.
Во несреќата едно лице го загубило животот, додека повеќе лица се здобиле со повреди. Повредените со возила на Итната медицинска помош биле пренесени во Општата болница во Кочани, каде им била укажана лекарска помош.
Полицијата извршила увид на местото на несреќата, а се преземаат и дополнителни мерки за утврдување на причините и околностите под кои дошло до сообраќајката.
…
