Еден од најмоќните американски воени бродови, носачот на авиони USS Gerald R. Ford, го зафати пожар што беснееше повеќе од 30 часа остави стотици членови на екипаж без оперативни услови.
Според соопштението на Централната команда на САД, огнот не бил резултат на непријателски дејства и не ги нарушил моторните системи на бродот, кој и натаму останува активен во тековните операции. Сепак, пожарот, кој прераснал во долготрајна борба со пламенот, бил изгаснат дури по повеќе од 30 часа, а неколку членови на екипажот претрпеле отежнато дишење поради чадот.
Повеќе од 600 морнари останале без своите легла откако делови од животниот простор биле уништени или недостапни. Во моментов, многумина спијат на под, на маси или каде што ќе најдат место, додека услуги како перење облека не се во целосна функција.
Овој носач, кој е најголемиот во американската флотила и обично префрла над 4.500 членови на екипажот и авијациски персонал, е во продолжена мисија поврзана со тензиите во регионот на Иран. Неговата сегашна служба веќе го надминала стандардниот шестмесечен рок, што дополнително го оптоварува и бродот и екипажот.
„Џералд Р. Форд“, чиешто создавање чинело околу 13 милијарди долари и кој беше пуштен во служба во 2017 година, веќе се соочуваше со технички предизвици – вклучувајќи проблеми со санитарните системи.
