Локални медиуми на Блискиот Исток објавија дека Израел се обидел да го елиминира иранскиот министер за разузнавање Есмаил Хатиб, во уште една ескалација на тензиите меѓу двете држави.
Информацијата првично се појави на социјалните мрежи и беше пренесена од повеќе регионални медиуми, кои наведуваат дека станува збор за обид за ликвидација на еден од највисоките безбедносни функционери во Иран.
Есмаил Хатиб е министер за разузнавање на Иран од 2021 година и важи за една од клучните личности во безбедносниот апарат на земјата. Тој има значајна улога во координацијата на иранските разузнавачки операции и во внатрешната безбедносна политика.
Во моментот нема официјална потврда од израелските власти, ниту пак се објавени детали за тоа дали нападот бил успешен или дали министерот бил повреден.
Оваа информација доаѓа во време на нагло заострување на односите меѓу Иран и Израел, по серијата напади и меѓусебни обвинувања кои дополнително ја зголемија нестабилноста на Блискиот Исток.
Аналитичарите предупредуваат дека целтање на високи безбедносни функционери може да доведе до нова ескалација и потенцијално проширување на конфликтот во регионот.
