ЈКП „Водовод“ Битола успешно ја реализира реконструкцијата на водоводната линија на улицата „Даме Груев“ (крак 1, 2 и 3) во населбата Мал Париз, со што значително се подобрува квалитетот и сигурноста во водоснабдувањето за жителите од овој дел на градот.
Во рамки на проектот, дотраената водоводна мрежа е целосно заменета со нова полиетиленска линија во вкупна должина од 634 метри. Паралелно со ова, изведени се и 68 нови приклучоци за домаќинствата, што овозможува поефикасно и стабилно снабдување со вода.
Од претпријатието информираат дека со реализацијата на овој зафат се постигнуваат повеќе придобивки, меѓу кои зголемена сигурност на системот, намалување на загубите на вода и елиминирање на честите дефекти кои претходно создаваа проблеми за граѓаните.
Инвестициите во градската водоводна инфраструктура продолжуваат и во наредниот период, во согласност со предвидената динамика, со цел унапредување на услугите и подобрување на условите за живот во Битола.
…
