Денеска Попова Шапка се разбуди во вистинска зимска идила. Утрово се измерени -3 степени Целзиусови, додека висината на снежната покривка достигнува 58 сантиметри.
Иако сите се подготвувавме за пролет, планинскиот центар сè уште е под снежна покривка и нуди вистинска зимска атмосфера.
Ваквите временски услови се особено привлечни за туристите и скијачите, кои и во овој период од годината имаат можност да уживаат во квалитетен снег и чист планински воздух. Попова Шапка и понатаму останува една од најатрактивните дестинации во земјава за зимски туризам, а ваквите снежни денови дополнително го продолжуваат скијачкиот период.
Фотографијата е превземена од Kajak.mk
