Сите седум хрватски војници распоредени во Ирак се безбедно евакуирани и се на пат кон Хрватска, соопшти кабинетот на претседателот Зоран Милановиќ.
Одлуката за повлекување на хрватските припадници од Ирак и Либан била донесена веднаш по ескалацијата на конфликтот на Блискиот Исток, кој се проширил и во овие земји. Во соопштението се наведува дека хрватскиот војник во Либан бил безбедно евакуиран уште пред една недела.
Конфликтот ескалира на 28 февруари со масовни американско-израелски напади врз Иран, при што загинаа околу 1.300 луѓе, меѓу кои и тогашниот врховен лидер Али Хамнеи. Во одговор, Техеран изведе напади со дронови и ракети врз Израел и земји од Заливот кои се домаќини на американски воени капацитети.
