Полицијата во Абу Даби соопшти дека во последните денови уапсила 109 лица поради ширење лажни информации поврзани со конфликтот на Блискиот Исток. Приведените, од различни националности, биле откриени откако властите ги зајакнале контролите на социјалните мрежи и онлајн платформите поврзани со иранските напади во регионот.
Според официјалното соопштение објавено на „Икс“, акцијата е дел од пошироките напори за заштита на јавната безбедност и спречување на ширење паника и дезинформации во Обединетите Арапски Емирати.
