Поради планирани технички зафати на електродистрибутивната мрежа, утре (24.03.2026) делови од Скопје ќе останат без електрична енергија во одредени временски интервали.
Според најавите, во периодот од 09:00 до 12:00 часот без струја ќе бидат корисниците во населбата Долно Соње, поточно на улица 8, како и дел од улица 12.
Дополнително, во периодот од 09:00 до 14:00 часот прекин на електричната енергија ќе има и во општина Карпош, односно дел од корисниците на улица Алжирска.
Од надлежните служби информираат дека прекините се планирани со цел подобрување на квалитетот и сигурноста на електроснабдувањето. Граѓаните се повикуваат на разбирање и навремено прилагодување на своите активности.
