Седум кучиња во Кина станаа вистинска интернет сензација откако успеале да избегаат од киднапери и сами да го пронајдат патот назад до своите сопственици.
Според светските медиуми, кучињата биле украдени, но успеале да ги надмудрат крадците и да тргнат на долго патување кон својот дом. Групата била предводена од корги, кој постојано се движел на чело и внимавал останатите да го следат.
Целата сцена била снимена од случаен минувач по име Лу, кој ги забележал животните како се движат по автопат во близина на кинескиот град Чангчун. Иако се обидел да ги однесе на безбедно, кучињата останале заедно и продолжиле по својот пат. Видеото подоцна било споделено на социјалните мрежи и брзо станало вирално.
На снимката се гледа како коргито, подоцна идентификувано како Дапанг, постојано се врти назад за да провери дали сите се заедно. Во групата имало и повреден германски овчар, но останатите кучиња чекале заедно за да продолжат понатаму.
Според локални извори, кучињата најверојатно потекнуваат од исто село. По ширењето на видеото, волонтери и организации за заштита на животни користеле дронови за да ги следат и да им помогнат безбедно да се вратат дома.
Се претпоставува дека кучињата избегале од возило за време на транспорт, а во моментот кога биле забележани, веќе биле оддалечени околу 17 километри од своето село.
Среќниот крај пристигнал неколку дена подоцна. Три од кучињата, меѓу кои и Дапанг, се вратиле кај својата сопственичка, која четири дена безуспешно ги барала. Подоцна, со пребарување на околните села, биле пронајдени и останатите кучиња.
Приказната предизвика бројни реакции на социјалните мрежи, а дел од корисниците коментираа дека оваа неверојатна кучешка авантура лесно може да стане сценарио за филм.
Insolite : 7 chiens volés à leurs propriétaires sont devenus des stars après s'être échappés d'un camion de transport illégal et avoir réussi à rentrer chez eux. Ils ont parcouru 17 km ensemble, guidés par un corgi 🐶 🐕 ❤️🥺pic.twitter.com/f2CrjAwijR
— LesNews (@LesNews) March 23, 2026
…
