Светот веќе се наоѓа на работ на енергетска катастрофа, предупреди Џон Дентон, претседател на Меѓународната трговска комора, споредувајќи ја сегашната криза со нафтените шокови од 1970-тите години. Според него, конфликтот меѓу САД и Израел од една страна и Иран од друга, може да ја покрене „најтешката индустриска криза во современото време“.
Дентон истакна дека предизвиците не се ограничуваат само на порастот на цените на енергенсите. Индустриското производство се соочува со сериозни нарушувања поради недостиг на гас и други критични суровини, што дополнително ја усложнува глобалната економска слика.
Овие предупредувања беа изнесени пред почетокот на состанокот на министрите на Светската трговска организација во Јаунде, каде Дентон ги повика светските лидери да се подготват за неизвесното и потенцијално деструктивно влијание на тековните геополитички тензии врз индустријата и трговијата.
