Израел ги отстрани од својата листа на цели за елиминација двајца високи ирански функционери – министерот за надворешни работи Абас Аракчи и претседателот на парламентот Мохамед Бакер Калибаф, објави Ројтерс, повикувајќи се на пакистански извори.
Според пакистански функционер, Израел претходно ги имал координатите и намерата да ги елиминира функционерите, но Пакистан посредувал преку Вашингтон и предупредил дека „ако ги елиминираат, нема да остане никој со кого да се разговара“. По ова посредување, САД ја замолиле израелската страна да се повлече од акцијата.
