Шпанија одлучи да го затвори својот воздушен простор за американските авиони вклучени во операциите против Иран, соопшти министерката за одбрана Маргарита Роблес. Земјата, членка на НАТО, исто така не дозволува користење на шпанските воени бази за мисии поврзани со војната.
„Не одобруваме ниту користење на воздушниот простор, ниту на базите Рота и Морон за операции во Иран. Сите планови за летови, вклучително дополнување гориво во воздух, се одбиени“, изјави шпанскиот премиер Педро Санчез, нагласувајќи дека ова не се однесува на вонредни ситуации.
Според „Ел Паис“, одлуката ќе ги принуди американските авиони да ја заобиколуваат Шпанија на пат кон своите цели на Блискиот Исток. Дополнително, пристапот до воздушниот простор на американските авиони стационирани во трети земји, како Франција и Велика Британија, исто така е ограничен.
Оваа одлука доаѓа во време кога претседателот Доналд Трамп се закани со можен прекин на трговијата со Шпанија поради ускратувањето на пристапот до шпанските бази. Многу правни експерти истакнуваат дека САД и Израел го започнале конфликтот, кршејќи го меѓународното право.
…
