Денес на македонско-албанската граница, на граничниот премин Ќафасан, ќе се одржи свеченото поставување камен-темелник за новиот 400 kV далековод кој ќе ја поврзува ТС „Битола 2“ со соседна Албанија. На настанот ќе присуствува премиерот Христијан Мицкоски, кој ќе се обрати пред присутните гости.
На отворањето, и други високи владини претставници ќе оддржат говори , како и меѓународни партнери кои го поддржуваат проектот, меѓу кои Европската банка за обнова и развој и Европската Унија.
АД МЕПСО истакнуваат дека овој проект има клучна улога за зајакнување на енергетската стабилност во земјата, како и за унапредување на регионалната поврзаност, отворајќи нови можности за енергетска соработка на Балканот.
