Импресивно светлосно шоу со дронови го осветли небото над Белфаст, каде што легендарниот „Титаник“ симболично „се врати“ 113 години по неговото историско испловување.
Настанот се одржа на 2 април 2026 година на пристаништето во Белфаст, точно во 20:00 часот – момент кој се совпаѓа со времето кога во 1912 година бродот го напуштил бродоградилиштето за своето прво и последно патување.
Во спектаклот учествуваа околу 950 дронови кои формираа огромна, светлечка силуета на „Титаник“ над градот, во близина на познатото бродоградилиште „Харланд и Волф“, каде што бродот бил изграден.
Настанот беше дел од кампањата „Made Of Here“ на Би-Би-Си и беше поврзан со документарната серија „Titanic Sinks Tonight“, со цел да се одбележи историското наследство на градот и неговата длабока поврзаност со најпознатиот брод во историјата.
Спектаклот привлече големо внимание и бројни посетители, а визуелната реконструкција на „Титаник“ на небото беше оценета како еден од највпечатливите модерни начини за одбележување на историјата.
„Титаник“ го напушти Белфаст на 2 април 1912 година за морски тестирања, додека своето официјално прво патување го започна од Саутемптон на 10 април истата година – патување кое трагично заврши само неколку дена подоцна.
Со овој настан, Белфаст уште еднаш покажа како традицијата и технологијата можат да се спојат во спектакуларно одбележување на историјата.
