Босанската музичка легенда, Жељко Бебек, (80), и неговата сопруга Ружица Бебек, која е 34 години помлада, одбележаа импресивни 24 години брачен живот. По тој повод, пејачот сподели емотивна порака на социјалните мрежи, придружена со носталгични фотографии, една од нивната свадба во Дубровник и друга каде позираат со нивните деца, Звонимир и Катарина.
„Моја Ружице, уште една година ја поминавме заедно! Благодарам за секој миг полн со љубов, смеа и за сите наши најубави моменти. 24 || 6. 4. 2002. #ononeštonaše #љубав“, напиша Бебек во описот на објавата.
Ихната љубовна приказна започна неочекувано во дискотека во Посушје. Тогаш Ружица имаше само 18 години, а Бебек 52. Таа му пријде и побара заедничка фотографија, момент што ќе го памети засекогаш. „Откако таа си замина, се качив во колата и ја следев со надеж дека нејзиниот автомобил ќе застане, а јас ќе можам да ѝ помогнам“, раскажа Бебек во интервју за Gloria.hr.
Судбината ги водеше повторно заедно во Томиславград, родниот град на Ружица, каде тој одржа концерт. Тука конечно разменија телефонски броеви. Почетната дружба полека прерасна во романса, бидејќи двајцата сфатиле дека се значително посреќни заедно отколку одвоено.
