Пратениците на денешната седница во Собранието треба да се изјаснат за предлог за продолжување на постојната кризна состојба поврзана со можни прекини и нарушувања во снабдувањето со нафта и нафтени деривати.
Предлогот, кој доаѓа од Владата и веќе е усвоен на последната владина седница, предвидува мерката да остане во сила до 20 јули. Расправата по ова прашање е единствена точка на дневниот ред на 99. собраниска седница, закажана за 12 часот.
Како образложение за продолжувањето се наведуваат потенцијални ризици од нестабилности во снабдителните текови, кои би можеле да имаат последици врз енергетската сигурност и пошироката економска стабилност во земјата.
Доколку добие поддршка од пратениците, одлуката ќе почне да се применува од 21 април, по нејзиното објавување во „Службен весник“.
…
