Гидеон Саар, министерот за надворешни работи на Израел, остро го осуди однесувањето на израелски војник кој оштетил статуа на Исус во јужен Либан, оценувајќи го како „срамен чин“ и упатувајќи извинување до христијаните.
Инцидентот излезе во јавноста откако фотографија беше споделена на социјалните мрежи, а подоцна беше потврдена како автентична од израелската армија. На неа се гледа војник како со чекан удира и ја оштетува статуата.
Израелските одбранбени сили соопштија дека ќе помогнат во обновата на оштетениот верски симбол и неговото враќање на првобитната локација, како и дека е покрената истрага за случајот.
Са’ар нагласи дека ваквото однесување е спротивно на вредностите на државата и најави строги мерки против одговорниот. Тој истакна дека Израел се залага за почитување на сите религии и нивните свети симболи, додавајќи дека инцидентот не ја одразува официјалната политика на земјата.
„Се извинуваме за овој настан и за повредените чувства на христијанската заедница“, порача министерот.
💔 An Israeli soldier smashing the head of Jesus Christ with a sledgehammer.
📍 Southern Lebanon pic.twitter.com/z3KI1nn4Bh
— Ethan Levins 🇺🇸 (@EthanLevins2) April 19, 2026
…
