Сообраќајна незгода со превртен камион се случи денеска на регионалниот пат Струмица – Валандово, поради што сообраќајот се одвива наизменично.
Од 14:05 часот, возилата се пропуштаат по една коловозна лента, што предизвикува забавување и повремени застои на оваа делница.
Од АМСМ апелираат до возачите да бидат особено внимателни, да ја прилагодат брзината на условите на патот и строго да ги почитуваат поставените сообраќајни знаци, како и насоките од надлежните служби на терен.
Засега нема официјални информации за евентуални повредени лица, а повеќе детали се очекуваат во текот на денот.
…
