Поради дефект на водоводната мрежа на улица „Љуботенска“ во Тетово, дојде до прекин во снабдувањето со вода за пиење во еден дел од градот.
Од ЈКП „Шар“ информираат дека нивните екипи се на терен и работат со засилен интензитет на санација на дефектот, со цел што побрзо нормализирање на водоснабдувањето.
Оттаму упатуваат апел за разбирање до граѓаните и уверуваат дека испораката на вода ќе биде нормализирана веднаш по завршувањето на интервенцијата.
