Фотографија од англискиот фудбалски репрезентативец Џек Грилиш стана вирална на социјалните мрежи, прикажувајќи го како заспива за време на дружење со пријателите.
На објавените фотографии, фудбалерот тешко ги држи очите отворени, а во еден момент се гледа како целосно се навалува на столот. Според очевидци, неговите пријатели се обидувале да го разбудат, но безуспешно, при што било забележано дека алкохолот го совладал.
Триесетгодишниот плејмејкер ја заврши сезоната 2025/26 како позајмен играч во Евертон од Манчестер Сити, откако се соочи со тешка повреда на стапалото.
Неговиот последен настап беше на 18 јануари против поранешниот клуб Астон Вила, што беше и негов 22-ри натпревар во сезоната. Во текот на престојот во Евертон, Грилиш забележа два гола и шест асистенции, како и признание за играч на месецот во август.
По фрактурата заработена токму на натпреварот против Астон Вила, Грилиш беше подложен на операција и моментално се наоѓа во фаза на рехабилитација. Се очекува да биде подготвен за почетокот на сезоната 2026/27, откако поради повредата ги пропушти шансите за настап на Светското првенство.
🚨 𝗡𝗘𝗪: Jack Grealish was spotted completely asleep at a table in a rooftop bar in Manchester, surrounded by glasses and bottles of cocktails after an afternoon of drinks with his friends.
— @TheSun pic.twitter.com/Rs20qQQNjo
— The Touchline | 𝐓 (@TouchlineX) April 27, 2026
…
