Масовна физичка пресметка била пријавена ноќеска во Скопје, информира МВР.
Според пријавата, на 3 мај околу 01:15 часот, пред угостителски објект на подрачјето на Центар бил нарушен јавниот ред и мир со меѓусебна тепачка меѓу повеќе лица.
Во инцидентот учествувале седум лица на возраст од 18 до 26 години, од Скопје, Куманово, кратовско и кумановско.
– На 03.05.2026 во 01:15 часот во СВР Скопје е пријавено дека пред угостителски објект на подрачјето на Центар во Скопје, бил нарушен јавниот ред и мир со меѓусебна физичка пресметка помеѓу Н.С.(18), Н.А.(19), А.С.(26), Е.С.(19), сите од Скопје, И.Г.(19) од с.Трновац, кратовско, Д.М.(22) од Куманово и М.С.(24) од с.Тромеѓа, кумановско, известија од полицијата.
Од МВР најавуваат дека по целосно расчистување и документирање на случајот ќе бидат поднесени соодветни пријави.
…
