Јавното претпријатие за водовод и канализација „Шар“ упати јавно предупредување до сите деловни субјекти, вклучувајќи трговски центри, автоперални, ресторани и други бизниси, поради евидентирани случаи на кражба на вода и неплаќање на обврските.
Од претпријатието апелираат до корисниците веднаш да престанат со злоупотреби и незаконско користење на водата, нагласувајќи дека во спротивно ќе следуваат строги законски мерки. Меѓу нив се исклучување од водоводната мрежа и поведување соодветни законски постапки согласно важечките прописи.
Воедно, од „Шар“ информираат дека од утре започнува процес на инсталација на дигитални водомери, со цел подобра контрола и спречување на злоупотребите. Секој утврден нелегален приклучок или манипулација ќе биде санкциониран без компромис, согласно законските одредби.
Од претпријатието потенцираат дека водата е заедничко и витално добро и повикуваат на одговорно користење од страна на сите граѓани и правни субјекти.
…
