Жителите на делови од скопските населби Бутел, Радишани и Кучевишка Бара утринава би можеле да се соочат со отежнато или целосно прекинато водоснабдување, предупредуваат од ЈП „Водовод и канализација – Скопје“.
Причината за можните рестрикции во водоснабдувањето се планирани технички интервенции во трафостаницата во ПС Бутел, кои ги изведува ЕВН. Работите започнуваат во 05:00 часот наутро и ќе траат сè до нивното завршување, при што во тој период е можен пад на притисок или привремен прекин на водата во споменатите подрачја.
…
