Во Општина Пробиштип започна еколошката акција „Генералка викенд 2026“, со која се испраќа порака за поголема грижа за животната средина и подигнување на еколошката свест кај граѓаните.
Градоначалникот на Општина Пробиштип, Тони Тоневски, ги повика граѓаните активно да се вклучат во акцијата и да дадат свој придонес за почиста и поздрава средина.
„Сите да дадеме свој придонес за чиста животна средина“, порача Тоневски по повод стартот на акцијата.
„Генералка викенд 2026“ се реализира низ повеќе општини во државата, а целта е преку заедничка акција да се исчистат јавните површини и да се поттикне одговорен однос кон природата и животната средина.
…
