Граѓаните кои редовно скенираат фискални сметки преку апликацијата „МојДДВ“, во текот на овој месец може да ја очекуваат новата исплата на повратот на средства на своите трансакциски сметки.
Станува збор за поврат на дел од данокот за скенираните фискални сметки од претходниот квартал, а средствата директно ги исплаќа Управа за јавни приходи. Висината на повратот зависи од вкупниот износ на скенираните сметки и пресметаниот ДДВ.
Од УЈП апелираат граѓаните редовно да ги проверуваат податоците во апликацијата, особено точноста на трансакциската сметка, за да нема проблеми при исплатата на средствата.
Проектот „МојДДВ“ веќе неколку години е една од најкористените мерки преку кои граѓаните добиваат поврат на дел од платениот данок, а воедно придонесува и за намалување на сивата економија преку поттикнување на издавање фискални сметки.
Граѓаните кои сè уште не ја користат апликацијата, можат бесплатно да ја преземат и да започнат со скенирање на фискални сметки, со што ќе имаат можност да добијат поврат на дел од платениот ДДВ.
…
