Во рудникот „Трепча“ во северниот дел на Косово се случи инцидент по кој околу 18 рудари останаа заробени под земја. Настанот, според првичните информации, бил предизвикан од технички проблем кој ја нарушил работата на системите во рудникот.
Ситуацијата претходно била уште посериозна, кога во длабочините на рудникот биле заглавени приближно 40 работници. Дел од нив успеале да излезат на површината, но останатите сè уште чекаат извлекување.
Од синдикатот на рударите велат дека се во постојана комуникација со заглавените работници и дека тие засега се во стабилна состојба. Сепак, предупредуваат дека времето не оди во нивна корист.
Според изјавите на претставниците на синдикатот, најголема загриженост предизвикуваат ограничените залихи со храна и вода, кои полека се трошат, па се бара брза реакција на надлежните служби.
Иако точната причина сè уште не е официјално утврдена, дел од косовските медиуми наведуваат дека можно е сè да започнало по дефект на главната трафостаница, што довело до прекин во функционирањето на дел од рударските капацитети.
…
