По мирното и сончево утро, времето денеска ќе покаже сосема поинакво лице. Низ земјава ќе се менуваат облаци и сончеви периоди, а попладнето атмосферата ќе стане понестабилна, со услови за локален пороен дожд и грмежи. Ветерот ќе биде слаб до умерен и ќе дува од променлив правец. Утринските температури ќе се движат од свежи 3 до 10 степени, додека дневниот максимум ќе достигне пријатни 19 до 24 степени.
Во главниот град, денот ќе започне со променлива облачност и повремени сончеви проблесоци, но во попладневните часови во одделни делови од скопската котлина можно е краткотрајно невреме проследено со дожд и ретки грмежи. Температурата во Скопје ќе се движи од минимални 9 до максимални 23 степени.
Нестабилното пролетно време нема брзо да се повлече. И во наредните денови ќе продолжи променливото облачно време со повремени локални врнежи. Во попладневните часови на повеќе места ќе се создава нестабилна облачност што ќе носи пороен дожд и грмежи. Според прогнозите, најизразени временски процеси се очекуваат во сабота, кога постојат услови за невреме со интензивни врнежи, силни грмежи и засилен ветер.
…
