Жителите на неколку скопски населби денеска ќе поминат дел од денот без електрична енергија поради планирани интервенции на дистрибутивната мрежа, најавија од ЕВН Македонија. Прекините ќе зафатат делови од општините Шуто Оризари, Карпош и Центар.
Според најавата, од 9 до 14 часот електрична енергија нема да имаат дел од домаќинствата и објектите на улицата „Александар Урдаревски“, во близина на приклучокот кон скопската обиколница во Шуто Оризари. Во истиот временски интервал без струја ќе останат и дел од жителите на улицата „Козле“ во Карпош, поточно објектите со броеви од 114 до 124.
Подолг прекин е предвиден во Општина Центар, каде од 9:15 до 15:15 часот без напојување ќе бидат улиците „Самоилова“ и „Јоаким Крчовски“. Привремено без електрична енергија ќе остане и Музејот на современа уметност во Скопје.
Од ЕВН посочуваат дека прекините се дел од редовните активности за одржување и модернизација на електромрежата.
…
