Министерот за надворешни работи и надворешна трговија, Тимчо Муцунски, ќе земе учество на состанокот на шефовите на дипломатиите на земјите членки на НАТО, кој на 21 и 22 мај 2026 година ќе се одржи во Хелсингборг, Шведска. На настанот, чиј домаќин е генералниот секретар на НАТО, Марк Руте, се очекува да бидат отворени клучни теми поврзани со идната безбедносна архитектура на Алијансата.
Во фокусот на разговорите ќе се најдат зголемувањето на одбранбените инвестиции, тековните безбедносни предизвици поврзани со Украина, како и забрзувањето на развојот на европската и трансатлантската одбранбена индустрија. Дополнително, министрите ќе разменат ставови и за пошироките регионални и глобални ризици кои ја обликуваат актуелната безбедносна слика.
Средбата во Хелсингборг се одвива во поширок контекст на подготовки за претстојниот НАТО-самит во Анкара, закажан за јули годинава, каде што се очекуваат одлуки со долгорочно влијание врз стратегиските насоки на Алијансата.
За време на престојот во Шведска, на покана на шефицата на шведската дипломатија, Марија Малмер Стенергард, министерот Муцунски ќе присуствува на свечен прием на кој е најавено и присуство на шведскиот крал Карл XVI Густав и кралицата Силвија. Покрај протоколарниот дел, предвидени се и неколку билатерални средби со колеги од земјите членки на Алијансата.
…
