НАТО ја објави програмата за млади професионалци, со која се отвора можност за ангажирање на талентирани млади лица од земјите членки на Алијансата.
Станува збор за тригодишна програма која има за цел да им овозможи на избраните кандидати да стекнат професионално искуство и да ја развијат својата кариера преку работа во различни структури и тела на НАТО.
Според условите на програмата, учесниците ќе бидат распоредени во три различни тела на Алијансата, каде што ќе поминат по една година во секоја од нив, со цел да стекнат пошироко и разновидно работно искуство.
По завршувањето на програмата, најуспешните кандидати, во зависност од потребите на организацијата и нивните индивидуални перформанси, може да бидат ангажирани на дополнителен тригодишен мандат во една од институциите каде што претходно работеле.
Право на аплицирање имаат млади лица на возраст од 21 до 32 години, со завршени магистерски студии, најмалку една година работно искуство и активно познавање на еден од двата официјални јазици на НАТО – англиски или француски.
Рокот за аплицирање е 31 мај 2026 година, а од Алијансата порачуваат дека програмата претставува важна можност за градење меѓународна кариера и професионален развој во мултинационална средина.
Повеќе информации може да добиете на следнава адреса: https://bit.ly/3QNQtz6
…
