Пекинг упати повик до Вашингтон и Техеран да се придржуваат до преземените обврски и да избегнат понатамошна ескалација, по последните тензии меѓу двете земји.
Реакцијата доаѓа откако американската војска соопшти дека извршила, како што ги опиша, „одбранбени напади“ врз повеќе цели во јужен Иран. Од своја страна, иранските власти порачаа дека го задржуваат правото да одговорат на секое прекршување на примирјето, кое е во сила од почетокот на април.
Портпаролката на кинеското Министерство за надворешни работи, Мао Нинг, во својата изјава порача дека сите инволвирани страни треба да ги почитуваат договорените обврски од прекинот на огнот, да ги решаваат несогласувањата преку мирни средства и да продолжат со дијалог и преговори што ќе ги земат предвид интересите на сите засегнати страни.
…
