Американската војска изврши нови напади врз цели во Иран, таргетирајќи локации за кои американските претставници сметаат дека претставуваат закана за американските сили и за комерцијалниот поморски сообраќај во Ормутскиот теснец, пренесува Ројтерс, повикувајќи се на неименуван американски функционер.
Според истиот извор, американските сили пресретнале и собориле неколку ирански беспилотни летала кои, наводно, претставувале опасност за американските интереси во регионот.
Техеран брзо возврати на нападите. Иранските вооружени сили соопштија дека извршиле напад врз американска воздухопловна база како одговор на американскиот напад во близина на аеродромот Бандар Абас.
Странските агенции јавуваат дека цел на нападот била американска база во Кувајт, додека засега нема официјални информации за евентуални жртви или причинета материјална штета.
Ескалацијата дополнително ги зголемува тензиите на Блискиот Исток и ја засилува загриженоста од поширок регионален конфликт.
…
