Во доцните ноќни часови на потегот меѓу реонот кај комплексот Џевахир Скај Сити и насоката кон Булевар Србија, жителите од тој дел на Скопје сè почесто пријавуваат вознемирувачка слика: улици кои, наместо за нормален сообраќај, се претвораат во импровизирана тркачка патека.
На социјалните мрежи, скопјанката Драгана Костиќ упати јавно предупредување до Министерството за внатрешни работи и надлежните институции, посочувајќи дека речиси секоја вечер по полноќ се забележуваат екстремно брзо возење и организирани „трки“ со автомобили и мотори.
Таа опишува дека возилата се движат со голема брзина и без никаква контрола, создавајќи силна бучава и чувство на несигурност кај жителите од околните згради. Особено загрижувачки, според нејзиниот апел, е тоа што дел од возачите се малолетни лица кои управуваат моќни мотори во доцните ноќни часови.
Во периодот од околу 1 до 5 часот по полноќ, жителите сведочат дека булеварите во тој дел од градот стануваат место на ризично и несовесно возење, наместо урбан простор за безбеден сообраќај.
Костиќ бара институциите да реагираат со конкретни мерки: поставување и активно користење на безбедносни камери на критичните точки, почести ноќни полициски патроли и построги санкции за возачи без регистарски таблички и за оние што го загрозуваат јавниот ред и безбедност.
Во нејзиниот апел се нагласува дека проблемот одамна ја надминал само димензијата на бучава и станува сериозно прашање на безбедност, со јасно предупредување дека без навремена реакција може да дојде до тешки последици.
ОБЈАВАТА МОЖЕТЕ ДА ЈА ПОГЛЕДНЕТЕ ТУКА
…
