Во првото тримесечје од годинава стапката на слободни работни места изнесува 2,07 проценти, при што најголем број отворени позиции – 2.346 – се регистрирани во петтата група занимања, односно работници во услужни дејности и продажба, соопшти Државниот завод за статистика.
Според податоците, највисока регионална стапка на слободни работни места има Вардарскиот Регион, каде таа изнесува 2,28 проценти.
Во однос на секторите, највисока стапка е забележана во секторот Сместување и послужување храна, каде изнесува 4,94 проценти, додека најниска стапка од 0,15 проценти е евидентирана во секторот Снабдување со електрична енергија, гас, пареа и климатизација.
Анализата покажува и дека деловните субјекти со 10 до 49 вработени имаат највисока стапка на слободни работни места од 3,05 проценти.
…
