Градоначалникот на Општина Пробиштип, Тони Тоневски, денеска оствари средба со Јована Јаневска, ученичка во VIII одделение во ООУ „Браќа Миладиновци“, која го освои првото место на Државниот натпревар по географија.
Јаневска до овој значаен успех стигна под менторство на наставничката Ана Нацева, потврдувајќи дека со знаење, труд и посветеност младите од Пробиштип можат да постигнуваат врвни резултати на државно ниво.
„Овој голем успех е гордост не само за Јована и нејзиното училиште, туку и за целата општина Пробиштип. Освоеното прво место е доказ дека нашите млади имаат потенцијал да бидат најдобри кога вложуваат труд, знаење и упорност“, истакна Тоневски.
Тој упати честитки до Јована за освоеното прво место и за достојното претставување на Пробиштип, а благодарност изрази и до нејзината менторка Ана Нацева, како и до целокупниот наставен кадар на училиштето за поддршката и посветеноста во развојот на младите таленти.
Од Општина Пробиштип посочуваат дека ќе продолжат да ги поддржуваат учениците кои постигнуваат врвни резултати и ја промовираат општината преку своите успеси.
…
