ЈКП Водовод Битола информира дека во тек е реконструкција на внатрешната водоводна мрежа во ОУ „Гоце Делчев“, со цел подобрување на водоснабдувањето и обезбедување поквалитетни услови за учениците и вработените.
Во рамките на активностите, старите поцинкувани цевки се заменуваат со нови полиетиленски цевки со пречник од 63 милиметри, кои овозможуваат поголема издржливост и сигурност на системот.
Од претпријатието посочуваат дека со реализацијата на овој зафат ќе се обезбеди постабилно и поквалитетно водоснабдување во училиштето, како и намалување на можноста за дефекти и загуби во мрежата.
ЈКП Водовод Битола нагласува дека и понатаму останува посветено на унапредување на водоводната инфраструктура и обезбедување квалитетни услуги за граѓаните.
…
