Од 1 јуни на грчките гранични премини е воведена флексибилна примена на новиот EES систем (влез/излез), што значително ги намали гужвите и чекањата за туристите кои патуваат кон Грција. Кога има поголеми метежи, регистрацијата во системот привремено се исклучува и се враќа класичната пасошка контрола, што овозможува побрз проток на патници.
Претходниот викенд се забележаа долги редици бидејќи системот сè уште не беше целосно прилагоден, но од почетокот на јуни ситуацијата е значително подобрена. Патници преку социјалните мрежи споделуваат дека на преминот Евзони се минува за околу 30 до 60 минути, иако повремено има застои во најфреквентните термини.
Туристичките работници предупредуваат дека викендите и понатаму се најоптоварени, бидејќи кон Грција патуваат голем број туристи од регионот и Европа. Сепак, засега нема индиции за поголеми колапси на границите, што ја олеснува летната патувачка сезона кон грчкото крајбрежје.
…
