Во текот на изминатото деноноќие, полицијата на територијата на целата држава лиши од слобода осум лица, кај кои била пронајдена дрога.
На 05/06.06.2026 во Скопје, на повеќе различни локации, полициски службеници од СВР Скопје ги лишија од слобода Ѓ.Д. (30) од Велес, Ф.П. (28) од Куманово, И.М. (23), Б.В. (27), А.Б. (27) и А.Ш. (29), сите од Скопје, поради тоа што кај нив биле пронајдени и одземени марихуана, грутчеста материја и прашкаста материја.
По целосно документирање на случаите, против нив ќе бидат поднесени соодветни поднесоци.
Исто така, на 05.06.2026 во 23:40 часот на улица „Илинденска“ во Тетово, полициски службеници од СВР Тетово го лишија од слобода Е.Б. (19) од Тетово, кај кого при преглед била пронајдена и одземена марихуана. По документирање на случајот, ќе биде поднесен соодветен поднесок.
Во одвоен случај, на 06.06.2026 во 01:00 часот на улица „Партизанска“, во близина на спортската сала во Битола, полициски службеници од СВР Битола го лишија од слобода С.Т. од Битола, затоа што при преглед кај него била пронајдена марихуана.
По целосно документирање на настанот, против него ќе следува соодветен поднесок.
…
