Американскиот претседател Donald Trump испрати остра порака до Техеран, обвинувајќи ја иранската страна дека предолго ги одложувала преговорите со САД и дека сега ќе се соочи со последици.
Во објава на својата социјална мрежа Truth Social, Трамп порача дека Иран пропуштил можност да постигне договор и дека наместо тоа ќе „мора да плати“.
Тој оцени дека иранската војска е „во хаос“ и додаде дека делови од нејзините сили, како морнарицата и воздухопловството, се сериозно ослабени. Според него, Иран наместо да дејствува, останал само на „разговори без резултати“.
„Иран предолго одложуваше и наместо да постигне договор што е добар за нив, сега ќе мора да платат“, наведе Трамп во објавата.
Пораката доаѓа во време на зголемени тензии меѓу Вашингтон и Техеран и нова ескалација на безбедносната ситуација во поширокиот регион на Блискиот Исток.
…
