Утринава околу 5 часот избувнал пожар во нова станбена зграда во скопската населба Кисела Вода, предизвикувајќи паника кај станарите кои во страв ги напуштале своите домови.
Според информациите од Министерството за внатрешни работи, денеска (12.06.2026) околу 05:45 часот во СВР Скопје било пријавено дека на булеварот „Борис Трајковски“ настанал пожар во орман на ЕВН, при што изгореле кабли.
„Пожарот е изгаснат од Бригадата за противпожарна заштита Скопје. Се преземаат мерки за утврдување на причините за настанувањето на пожарот и за расчистување на случајот“, информираат од МВР.
Станарите велат дека се разбудиле од силен звук, по што во паника почнале да излегуваат од зградата, стравувајќи за својата безбедност.
По инцидентот, објектот останал без електрична енергија, а жителите бараат надлежните институции итно да го решат проблемот и целосно да ги утврдат причините за пожарот.
Видеото може да го погледнете тука
