СВР Битола поднесе кривична пријава против И.С. (40) од Прилеп поради сомнение дека сторил кривични дела „оштетување и неовластено навлегување во компјутерски систем“ и „злоупотреба на лични податоци“.
Според информациите од полицијата, пријавениот, кој работел како административен службеник на шалтер за наплата во ЈЗУ Општа болница Прилеп, на 13 октомври 2025 година фотографирал дебитна платежна картичка на жител на Прилеп.
Во периодот од 26 октомври 2025 до 19 февруари 2026 година, тој извршил вкупно 71 интернет трансакција, при што од сметката на оштетеното лице биле повлечени 90.174 денари.
„СВР Битола поднесе кривична пријава против И.С.(40) од Прилеп поради постоење основи на сомнение за сторени кривични дела „оштетување и неовластено навлегување во компјутерски систем“ и „злоупотреба на лични податоци“. На 13.10.2025, пријавениот како административен службеник на шалтер за наплата во ЈЗУ Општа болница Прилеп фотографирал дебитна платежна картичка на едно лице од Прилеп и во периодот од 26.10.2025 до 19.02.2026 извршил 71 интернет трансакција со вкупна сума од 90.174 денари“, соопштија од полицијата.
Надлежните институции преземаат понатамошни мерки за целосно расчистување на случајот.
