Премиерот Христијан Мицкоски најави за денеска објавување на нова странска инвестиција во ТИРЗ Тетово, поврзана со автомобилската индустрија, која ќе произведува компоненти за светски познати брендови на автомобили.
„Денес објавуваме нова странска инвестиција во ТИРЗ Тетово!
Компанијата Џаво Отмотив e глобален производител за автомобилската индустрија со повеќе од 40 години искуство, ќе инвестира околу 20 милиони евра и ќе отвори до 412 нови работни места.
Од Тетово ќе се произведуваат автомобилски компоненти за светски познати брендови, а извозот на компанијата во полн капацитет ќе достигне 45 милиони евра годишно.
Ова е уште една потврда дека довербата во македонската економија расте, дека инвеститорите ја препознаваат стабилноста и дека државата повторно станува атрактивна дестинација за нови вложувања.
Ние не ветуваме фабрики – ние отвораме фабрики. Не ветуваме работни места – создаваме работни места. Не зборуваме за развој – го реализираме.
Нови инвестиции. Нови работни места. Нова вредност за македонската економија. Македонија забрзува“, напиша Мицкоски на „Фејсбук“.
…
