Официјалните ветеринари на Агенцијата за храна и ветеринарство (АХВ) спречија увоз на пратка од 23.685 килограми замрзнато пилешко месо со потекло од Бразил, информираат од институцијата.
Како што се наведува, пратката е одбиена поради непочитување на донесеното решение за забрана за увоз на живи животни, производи и нуспроизводи од животинско потекло, со цел заштита од внесување на вирусот на високопатогена авијарна инфлуенца (птичји грип) во земјата.
Според АХВ, спорното месо било произведено во јануари 2025 година, додека со важечката забрана е ограничен увозот на пратки добиени од животни заклани, натоварени и сертифицирани пред 1 август 2025 година.
Од Агенцијата потсетуваат дека ова не е прв случај на ваква мерка, бидејќи во декември 2025 година на истиот граничен премин била вратена и пратка од над 26 тони замрзнато пилешко батак од Бразил, исто така поради непочитување на прописите.
АХВ апелира до увозниците на храна во земјата да ги почитуваат законските и подзаконските акти и стандардите за безбедност на храната, нагласувајќи дека заштитата на здравјето на граѓаните останува приоритет на институцијата и државата.
…
