Профилот „Улични Тероризери“ на социјалните мрежи објави нови снимки на кои се гледаат мотоциклисти кои возат на едно тркало и изведуваат опасни маневри низ улиците на Скопје.
Според објавите, станува збор за повеќе видеа од слично однесување во сообраќајот, кои веќе подолг период се споделуваат на профилот и предизвикуваат реакции кај јавноста.
Во најновата објава, „Улични Тероризери“ се повикуваат и на медиумски написи во кои граѓани бараат построга реакција од надлежните институции и санкционирање на ваквите возачи.
Снимките повторно ја актуализираа темата за безбедноста во сообраќајот, особено по најавите од Министерството за внатрешни работи дека ќе се преземат мерки против ризичното возење и прекршоци кои ги загрозуваат учесниците во сообраќајот.
Од МВР претходно беше најавено дека системот „Сејф Сити“ ќе се користи за детекција и санкционирање на прекршителите, вклучително и возачи кои со своето однесување ја загрозуваат безбедноста на улиците.
…
