Градоначалникот на Прилеп, Проданоски, истакна дека младите и нивните успеси се најсилната потврда за квалитетот, трудот и посветеноста во образованието.
„Нашите ученици се нашата најголема гордост и најсилна потврда дека знаењето, трудот и посветеноста секогаш носат резултати“, порача Проданоски на свеченоста што се одржа вечерва во Прилеп.
Во паркот на Могилата, со почеток во 19:00 часот, се одржа настан на кој беа доделени признанија на наградените ученици од државни и меѓународни натпревари, како и на првенците на генерациите, кои со своите резултати достојно го претставуваат градот.
Настанот беше збогатен со музичко-забавна програма, а целта беше да се оддаде признание за трудот, знаењето и посветеноста на младите.
Проданоски порача дека тие се вистински амбасадори на знаењето и инспирација за новите генерации, нагласувајќи дека иднината на Прилеп е во сигурни раце.
„Да продолжиме заедно да ги поддржуваме младите и нивниот пат кон успехот, затоа што нивниот успех е наша заедничка гордост и гордост на целиот Прилеп“, додаде тој.
…
