Родителите на учениците кои ќе бидат инволвирани во врсничко насилство во училиштата ќе се соочат со парична казна од 250 евра, најави министерката за образование и наука Весна Јаневска.
Како што истакна Јаневска, казната ќе се применува за секое насилство сторено од ученик, но и во случаи кога родителите ќе одбијат соработка со училиштето, стручните служби и надлежните институции.
Мерката е дел од најавените измени на Законот за основно образование, кои се подготвуваат по зачестените случаи на врсничко насилство и реакциите во јавноста.
Од Министерството за образование и наука посочуваат дека целта на законските измени е зголемување на одговорноста на родителите и зајакнување на превенцијата и справувањето со насилството во училиштата.
Новите законски решенија се во завршна фаза и се очекува наскоро да бидат доставени до Собранието за усвојување.
…
