Русија во текот на ноќта изврши еден од најмасовните воздушни напади врз Украина од почетокот на војната, при што главна цел беше Киев. Нападот, кој траел со часови, бил изведен со беспилотни летала, крстосувачки, балистички и хиперсонични ракети.
Според украинските власти, најмалку две лица загинале, а повеќе од 20 се повредени. Меѓу повредените има цивили, но и припадници на итните служби.
Во населбата Шевченкивски е оштетена зграда на службата за итна медицинска помош, при што биле повредени петмина медицински работници, од кои еден е во критична состојба. Во Десњанскиот реон се урнала деветкатна станбена зграда, а спасувачките екипи продолжуваат да трагаат по евентуално затрупани лица.
Украинските власти соопштија дека биле погодени повеќе од 28 локации, главно станбени објекти и инфраструктура, а на повеќе места избувнале пожари. Оштетен е и хотел во центарот на Киев.
Нападот следува само неколку часа откако украинскиот претседател Володимир Зеленски предупреди дека Русија подготвува нов масовен удар врз Украина. Тој ги повика граѓаните да бидат особено внимателни и да ги следат сирените за воздушна опасност.
Освен во Киев, експлозии биле регистрирани и во Запорожје, Павлоград, Суми и Харков, каде исто така биле активирани сирените за воздушен напад.
Поради нападите, Полска ги активираше своите борбени авиони како превентивна мерка за заштита на сопствениот воздушен простор, соопштија полските вооружени сили.
Украинските власти предупредуваат дека безбедносната состојба останува исклучително нестабилна, а конечниот број на жртви и материјалната штета сè уште се утврдуваат.
💔 At least 9 killed as Russia launches overnight attack on Kyiv
More than 30 locations across every district of Kyiv were damaged, according to the Kyiv City Military Administration.
Residential buildings suffered the heaviest destruction. Rescue teams are still searching… pic.twitter.com/Nw0A5vyD3m
— NEXTA (@nexta_tv) July 2, 2026
…
